﮼حَسن،الرياحِي .

مافيش حاجة في حياتك تستاهل التفكير ، ولا الاحباط ، الا لما تعطيها انت قيمة ، وتعطيها حيز من تفكيرك ، وتحولها من دائرة الشي الطبيعي ، لدائرة الاستثناء .

المتعة الحقيقية لما تقعد عارف كل شي وهما ميعرفوش انك عارف كل شي وتبان انك مُش عارف .

الإدراك بروحه ، ما يكفيش ، في حاجات معينة لازم تجربها حتى لو كان عندك الشعور المفرط بالمعرفة فيها متاع كأنك مجربها وناجح فيها ، أو فاشل ، التجربة خير دليل ديمه ، لأن مهما كانت خبرتك ، مستحيل تكون الرؤوية عندك كاملة وأنت في مكانك .

أعتزلت الإصرار والإلحاح على شي في يد بشر ومش ناوي يعطيه ، اللي نقدر نجيبه بذراعي ، مش ح نختار نجيبه بالكلام .

السؤال اللي يجي نتيجة شفقة ، للشخص اللي حاس وشايف إنه ما عنداش حد ، يزيد يفسد في الأمور عنده بدال ما يصلحها .

فكرة إنك مضايق بروحها تضايق ، وتركبلك واجد أفكار على أفكارك ، منها ل أمتى بنوقف لكل موقف بيش نتعلم منه ، ونطلع بصورة هذاك الشخص اللي طلع بحكمة من الحياة ، ليش التعليم يصاحبه ضرر ، عارفين إن ما يجي شي بالساهل حتى لو كان تافه ، لكن اللي مش عارفينه هو إن قديش لاز…

الانجاز مُش اللي يعترفوا بيه الناس والعالم ويعرضوه عالتلفزيون ، الانجاز هو اللي يجيك بعده شعور بإنك درت حاجة في حياتك مش أي حد يقدر يديرها ، حاجة مش متاحة إلا لشوية من واجد ناس ، وأنت كنت منهم .

مرات اللي حطمك مش حاسدك ، واللي ذمك أنت فعلا مش خير منه ، واللي حاول يحسسك إنك ناقص كان يحاول يوريك حقيقتك اللي مش شايفها ، هما ممكن كانت أساليبهم غلط ، وهذا اللي كلنا نعرفوه ، وأنت ممكن تكون بالصورة الباخيه فعلا ، وهذا اللي لازم تحاول تعرفه ، وتعرف صحته من عد…